एक मान्छेको खोजीमा

कहिले मन्दिरको ढोकाबाट हेर्छु

कहिले टुँडालबाट नियाल्छु

कहिले निष्पट्ट अँध्यारोमा भौंतारिन्छु

कहिले जुनेली रातमा टहलिन्छु

कहिले फाँटफाँटै दौडिन्छु

कहिले अनकन्टार जंगलको बिचमा कुरिरहन्छु

कहिले ढोका ढक्ढक्याउँदै हिंडछु

कहिले अखवारका पाना सर्सर्ती पल्टाउँछु

कहिले भीडमा एकटंकार हेर्छु

कहिले दोबाटोमा पागलसरि एक्लै भुत्भुताई रहन्छु

केबल

एक मान्छेको खोजीमा ।