सुन सुन दिदी बहिनी, सुन छोरी नानी हो

यसपालीको तीजमा हाम्रा दिदी बहिनीहरुले यस्तो गीत गाऊन ::
(गण्डकी अन्चलतिर तिजको अवसरमा गाइने भाकामा आधारित )
***************************************************************************

१)
सुन सुन दिदी बहिनी, सुन छोरी नानी हो 
(चाहिंदैन हामीलाई कोटा पनि हो) n

२)
मौका दिए हामीले गर्छौं छोरा समान
(लिंग कै आधारमा कमजोर नठान ) n

३)
इन्जिनियर हामी छौं, डाक्टर पनि हामी छौं 
(मौका पाउँदा हामी छोरी कहाँ कमि छौं ? ) n

४)
राजनेता, प्रशासक, वैज्ञानिक र दार्शनिक
(सक्छौं हामी सबै हुन शिक्षा पाए ठिक ) n

५)
हिलारीले अमेरिका, एन्जिलाले जर्मनी
(शासन गर्दा हाम्ले यहाँ के छ नसक्नी ) n

६)
चन्द्रिका र बेनेजिर, इन्दिरा र हसिना
(मौका पाए पढने लेख्ने गरे शासन ) n

७)
संसार भरि शासन गर्ने बेलायतको देशमा
(मार्गरेटले मै भन्नेलाई पारिन वशमा ) n

८)
विकिरणमा खोज गर्ने म्याडम क्युरी दिदी हो 
(सारा संसार हल्लाईदिने उनकै विधि हो ) n

९)
सुतेको अफ्रिकालाई जगाई दिने सरलिफ* 
(उनको अहिले सबैतिर कति तारिफ ! ) n

१०)
पढ्ने लेख्ने नारीहरु संसार हाक्ने भैसके
(आफैंलाई कमजोर ठान्ने कहाँ गैसके ? ) n 

११)
धेरै सुत्यौं हामीहरु उठौं जोस लिएर
(छाडौं अब यो देशलाई केहि दिएर ) n

१२)
फर्क फर्क छिटै फर्क विदेश जाने दाजुभाई
(हामी सबै मिलि अब बनाउँ यै देशलाई ) n 

(n=२, ३ वा ४ ) 

-             -  दिनेश चन्द्र पन्थी “दीप”  

 भाद्र-१९, २०७२ शनिवार

* Ellen Johnson Sirleaf, is the first elected female head of state in Africa, 24^th & current president of Liberia,  Nobel Peace Prize winner on 2011.