स्वर्गद्वारी,
प्युठान
स्वर्गपुरिमै
छु कि झैं लाग्ने
नीर गगन मुनि शान्त हिमाल
वरिपरी पहाड चले झैं लाग्ने |
सिरी सिरी बतासले चुम्बन गर्दा
स्वर्गपुरिमै छु कि झैं लाग्ने ||
स्वर्गपुरिमै छु कि झैं लाग्ने ||
पन्छीहरुको
चिरबिर चिरबिर
ज्ञान
वाणी सुने झैं लाग्ने |
कोमल
किरणले चुम्बन गर्दा
स्वर्गपुरिमै
छु कि झैं लाग्ने ||
वेदध्वनिको
गुन्जाएन् ले
देवगण
सारा वरिपरी लाग्ने |
नयन
भरिको हरियालीले
स्वर्गपुरिमै
छु कि झैं लाग्ने ||
गौमाताको
हुलमुल देख्दा
कृष्ण
मुरारी वरिपरी लाग्ने |
भक्तहरुको
खुसियालीले
स्वर्गपुरिमै
छु कि झैं लाग्ने ||
महाप्रभुको
अहो ! महिमा
कण कण
सबै भिजे झैं लाग्ने |
हर्षले मन
गद्गद् हुँदा
स्वर्गपुरिमै
छु कि झैं लाग्ने ||
धर्मशाला
वरिपरी, मनुवाभारी
लावालस्कर
देव झैं लाग्ने |
पुण्यको
प्यास सबमा देख्दा
स्वर्गपुरिमै
छु कि झैं लाग्ने ||
अपूर्व
कस्तो भाव सबमा
सबै
तृप्त भएझैं लाग्ने |
अखण्ड
हवनको ऋचा सुन्दा
स्वर्गपुरिमै
छु कि झैं लाग्ने ||
अहा !
कस्तो सुन्दर भुमि
देवपुरी
नै हो कि झैं लाग्ने |
मानव
वस्ती तल तल देख्दा
स्वर्गपुरिमै
छु कि झैं लाग्ने ||
- ई. दिनेश चन्द्र पन्थी “दीप”
२०७१-१०-१८, आइतवार
(२०७१ साल माघ महिनामा स्वर्गद्वारी घुम्ने क्रममा लेखिएको)
No comments:
Post a Comment